Астанада танысу сайттары арқылы ер адамдарды алдаған үш қыздың алаяқтық схемасы әшкереленді
**Астанада** үш қыз ұйымдастырған алаяқтық схема әшкереленді. Іс бойынша жәбірленушілер шамамен **50 ер адам** болған.
Тергеу материалдарына сәйкес, алаяқтар **танысу сайты** арқылы жәбірленушілермен танысып, кейін әңгімелесуді **жалға алынған пәтерде** жалғастыруды ұсынған.
Одан кейін олар Астанада пәтерді жалға беру туралы хабарландырулар жариялап, **тартымды интерьердің бөгде фотосуреттерін** тіркеген. Жәбірленушілерге әрі қарай бірге уақыт өткізу үшін тұрғын үйді **бір тәулікке брондауды** ұсынған.
Нәтижесінде **45-тен астам** жәбірленуші жоқ пәтер үшін төлем ретінде шамамен **620 мың теңге** жіберген. Ақшаны алғаннан кейін қыздар байланысын үзіп, жәбірленушілердің нөмірлерін бұғаттаған.
Сотта айыпталушылар кінәсін мойындап, жәбірленушілерге келтірілген шығынды өтеген. Олар **3 жылдан 3,5 жылға дейін** бас бостандығын шектеу жазасына, **пробациялық бақылау** белгілеумен және **мәжбүрлі еңбекке** тартумен сотталды. Үкім заңды күшіне енді.
Сонымен қатар әлеуметтік желілерде, оның ішінде **Threads** платформасында да, «әйел іздеймін», «күйеу іздеймін», «байыпты қарым-қатынас іздеймін» деген мазмұндағы танысуға шақыратын жарияланымдар жиілеп келеді. Мұндай жазбалардың артында нақты пайдаланушылар да, алаяқтар да болуы мүмкін екені айтылып, қазақстандықтарға бұл туралы жақында **ІІМ** ескерткен.
Бұған дейін Астанада **20 жастағы** ер адамға қатысты да үкім шыққан: ол Tinder-де өзін **Нұрай** есімді қыз ретінде таныстырып, жәбірленушіден **миллиондаған теңге** алған.
