Алматыда ағаш құлап, Lexus GS 300 көлігіне зақым келтірді және сымдарды үзді
Алматыда Богенбай батыра және Бегалина көшелерінің қиылысында ағаш құлап, автокөлікке зақым келтірді және сымдарды үзді.
Кадрларға қарағанда, оқиға салдарынан тұрақта тұрған Lexus GS 300 көлігі зақымданған. Басқа жайттар, оның ішінде зардап шеккендер туралы ақпарат әзірге жоқ.
Ағаш көлікке құласа не істеу керек Ең алдымен оқиға орнын тіркеу қажет. Құлаған ағаш, көліктің зақымдануы және айналадағы жағдай анық көрінетіндей етіп фото және видео түсіріңіз.
Материалдарда күні мен уақыты болғаны жөн. Полиция келгенге дейін көлікті орнынан қозғалтпай тұрыңыз. Құқық қорғау органдары оқиға сызбасын жасап, өтініш қабылдап, талон-хабарлама береді.
Жауаптыларды анықтау Жол-көлік оқиғалары бойынша маман Михаил Будянскийдің түсіндіруінше, құлаған ағаш үшін жауапкершілік оның орналасқан жеріне байланысты:
- егер ағаш ғимараттан бес метр шегінде болса — КСК жауап береді;
- егер одан әрі болса — бұл әкімдік пен экология басқармасының жауапкершілік аймағы.
Бұл сотқа дейінгі талап-арыз немесе талап қою кезінде маңызды.
Сақтандыру компаниясына жүгіну Егер сізде КАСКО болса, авариялық комиссарды шақырып, мұндай жағдай сақтандыру өтеміне кіретін-кірмейтінін нақтылаңыз. Полис болмаса, құжаттарды жинай бастаңыз: тәуелсіз бағалаушының қорытындысы, эвакуаторға, жөндеуге және өзге шығындарға қатысты шоттар.
Апат қаупі бар ағашты алып тастау үшін қайда жүгіну керек Ағаш немесе бұтақтардың құлау қаупі төнсе, әкімдікке өтініш беруге немесе ТЖ шақыруға болады. Төтенше жағдайларда әкімдік комиссия құрып, ағашты бюджет есебінен кесуді ұйымдастырады.
Еске салайық, бұған дейін Алматыда қала орталығында ағаш жолдың жүріс бөлігіне құлаған.
Сондай-ақ: Алматыда жаңбырдан көліктер "жүзіп" жүр — видео.
0
Войдите, чтобы оставить комментарий
Загрузка комментариев...