Астанада биыл 60 шақырымды қамтитын 50 көшені жөндеу жоспарланып отыр
Астанада ірі жол жобалары жалғасып жатыр: биыл елордада жалпы ұзындығы 60 шақырым болатын 50 көшені жөндеу жоспарланған. Бұл туралы қала әкімі Женіс Қасымбек Instagram парақшасында жазды.
Әкімнің айтуынша, қалада қатар жүргізіліп жатқан жұмыстардың қатарында шұңқырларды жамау және маршруттық жөндеу, тротуарларды жөндеу, жол таңбасын салу және өзге де шаралар бар.
Қала басшысы сәуір айының басынан бері төмендегі көшелерде жөндеу жұмыстары басталғанын хабарлады:
— Е68 көшесі (А. Бектұрова көшесінен Төле би көшесіне дейін);
— Б. Соқпақбаев көшесінің құрылысы (Ш. Бейсекова көшесінен Қ. Күмісбеков көшесіне дейінгі учаскеде) жалғастырылды;
— "Абайдың 150 жылдығы көшесін салу" жобасы (Тілендиев даңғылынан Бейбарыс Сұлтан көшесіне дейінгі учаскеде); — Мәңгілік Ел даңғылы және Сығанақ көшесі;
- Кенесары көшесі (А. Сембинов көшесінен Сарыарқа даңғылына дейін). Сонымен бірге, Кенесары көшесінде 2025 жылы Е. Брусиловский көшесінен А. Сембинов көшесіне дейінгі учаскеде жұмыстар жүргізілген;
— Республика даңғылы (А. Иманов көшесінен теміржол вокзалына дейін);
— Ақан сері көшесі (Тілендиев даңғылынан Қараменде би Шақаұлы көшесіне дейін);
— Шаймерденов көшесі (Нәжімеденов көшесінен А. Байтұрсынов көшесіне дейін) және басқа да көшелер.
Сонымен қатар, Бейсекова көшесі мен Тілендиев даңғылының қиылысында екі деңгейлі көлік айрығын салу жұмыстары жалғасып жатыр. Нысанда инженерлік желілерді жүргізу, сондай-ақ металл аралық құрылымды монтаждау қолға алынған. Қасымбектің айтуынша, құрылысты жыл соңына дейін аяқтау жоспарланған.
Қ. Мұхамедханов көшесінің құрылысы Ш. Айтматов көшесінен Қорғалжын тасжолына дейінгі учаскеде жалғасуда.
Әкім Ш. Айтматов көшесі бойынша қозғалыс қамтамасыз етілгенін атап өтті. Оның айтуынша, бұл — сегіз жолақты магистраль, ал Айтматов көшесінің ашылуы Тұран даңғылы, Қабанбай батыр даңғылы, сондай-ақ Сығанақ және Мұхамедханов көшелері сияқты негізгі магистральдардағы жүктемені едәуір төмендеткен. Бұл, әсіресе, қаланың жаңа бөлігі үшін маңызды.
Қалада параллель түрде абаттандыру, бағдаршам сигнализациясын орнату, сондай-ақ электрмен жабдықтау желілері мен нөсер кәрізі жүйелерін жүргізу жұмыстары да жалғасып жатыр.
Сондай-ақ Тәуелсіздік даңғылын (Қабанбай батыр даңғылынан Ұлы Дала даңғылына дейін) салу басталды. Қазір бірінші кезек — Е485 көшесіне дейінгі учаске іске асырылуда. Алаңда су құбыры, кәріз, электрмен жабдықтау және жылумен жабдықтау бойынша инженерлік желілер тартылып жатыр.
Қасымбектің мәліметінше, бұл да сегіз жолақты магистраль болады және жол Мәңгілік Ел даңғылы мен Тұран даңғылындағы көлік ағынын қайта бөлу арқылы өткізу қабілетіне түсетін жүктемені азайтуға мүмкіндік береді. Әкім құрылыс аймағында инженерлік желілерді төсеу жұмыстары барлық нормативтік талаптарды сақтай отырып жүргізіліп жатқанын жазды.
Бұдан бөлек, Ұлы Дала даңғылы (А-52 көшесі) Ш. Қалдаяқов көшесінен Қордай көшесіне дейінгі учаскеде салынып жатыр: мұнда абаттандыру және жол жабынының жоғарғы қабатын төсеу жұмыстары жүріп жатыр. Жоспарда — Шаймерденов көшесінде (Нәжімеденовтен А. Байтұрсыновқа дейін) және өзге де қалалық көшелерде жұмыстар жүргізу.
