Астанада екінші ауысымдағы оқушылар мен колледж студенттері 11 наурызда қашықтан оқуға көшірілді
**Астана** қаласында ауа райының нашарлауына байланысты екінші ауысымда оқитын мектеп оқушылары мен колледж студенттері қашықтан оқуға көшірілді.
Қалалық білім басқармасының мәліметінше, **11 наурызда** ауа райы жағдайының нашарлауына (желдің күшеюі) байланысты **0–11 (12) сынып** оқушылары және **9-сынып базасында** оқитын колледждердің **1–2 курс** студенттері **екінші ауысымда** қашықтан оқу форматына өтеді.
Астанадағы ауа райы болжамы Бұған дейін синоптиктер Астанада алдағы үш күнге — **11, 12 және 13 наурызға** арналған ауа райы болжамын ұсынған.
**11 наурыз:** құбылмалы бұлтты, кей уақытта қар, боран. Жел оңтүстік-батыстан: түнде 9–14 м/с, екпіні 15–20 м/с; күндіз 15–20 м/с, екпіні 23–28 м/с, кей уақытта 30 м/с және одан да жоғары. Ауа температурасы түнде **-27...-29°**, күндіз **-13...-15°**.
**12 наурыз:** құбылмалы бұлтты, кей уақытта қар, боран. Жел оңтүстік-батыстан 15–20 м/с, екпіні 23–28 м/с, түнде кей уақытта 30 м/с және одан да жоғары. Ауа температурасы түнде **-13...-15°**, күндіз **-3...-5°**.
**13 наурыз:** құбылмалы бұлтты, түнде қар, күндіз жауын-шашын (жаңбыр, қар). Төменгі боран, көктайғақ. Жел оңтүстік-батыстан 9–14 м/с, екпіні 15–20 м/с. Ауа температурасы түнде **-3...-5°**, күндіз **0...-2°**.
