Қазгидромет 25–27 сәуірге арналған ауа райы болжамын жариялады: Қазақстанға қар қайта оралады
Қазгидромет синоптиктері 25, 26 және 27 сәуірге арналған ауа райы болжамын ұсынды.
Қазақстанға қар қайта оралады Болжамға сәйкес, циклонның ойысы Қазақстан аумағы арқылы жылжып, ауа райының құбылмалы болуына әсер етеді.
Метеорологтердің мәліметінше, көптеген өңірде найзағайлы жаңбыр күтіледі, ал солтүстікте жауын-шашын жаңбыр және сулы қар түрінде жауады. Жекелеген аудандарда бұршақ пен шквалды жел болуы мүмкін.
Республика бойынша түнгі және таңғы уақытта тұман түсуі де болжанып отыр.
Температура қандай болады 26 сәуірде батыс және солтүстік-батыста, 27 сәуірде елдің солтүстігінде, шығысында және орталығында түнгі уақытта 2 градусқа дейін үсік күтіледі.
Күндіз ауа температурасының төмендеуі болжанады:
- солтүстікте: +10...+15 градусқа дейін,
- орталықта: +10...+18 градусқа дейін,
- шығыста: +7...+20 градусқа дейін,
- оңтүстікте: +15...+25 градусқа дейін.
Ал Қазақстанның батысында ауа температурасы біртіндеп +7...+15 градустан +15...+20 градусқа дейін көтеріледі.
Қазақстанда мамыр-2026 қандай болады Бұған дейін синоптиктер Қазақстан бойынша 2026 жылғы мамырға арналған консультативтік ауа райы болжамын ұсынған. Мамандардың бағалауынша, ел аумағында жалпы алғанда әдеттегіден жылырақ ауа райы күтіледі, ал жауын-шашын біркелкі түспеуі мүмкін.
0
Войдите, чтобы оставить комментарий
Загрузка комментариев...