ШҚО-да полицейлер 4,5 сағат іздеп, жоғалып кеткен 3 жасар қызды көл маңынан тапты
Шығыс Қазақстан облысының мөлтек аудандарының бірінде 3 жасар қыз бала үйден байқатпай шығып кетіп, бір отбасы үшін әдеттегі күн ауыр сынаққа айналды. Үлкендер бар-жоғы бірнеше минуттың ішінде баладан көз жазып қалған.
Алдымен ата-анасы баланы өз беттерінше іздеген. Алайда жарты сағаттық нәтижесіз іздеуден кейін олар "102" арнасына хабар берген.
Полицейлер сигналды дереу қабылдап, шұғыл іс-қимылға кіріскен. Жеке құрам жасақтары жұмылдырылып, аулаларды, көшелер мен шеткері аймақтарды жаппай тексеру басталған. Тәртіп сақшылары ықтимал бағыттарды қарап, тұрғындардан сұрастырған және жақын маңдағы аумақтарды — аулалардан бастап ашық жерлерге дейін мұқият тексерген.
Іздеу жұмыстары шамамен 4,5 сағатқа созылған. Нәтижесінде кішкентай қыз аман-есен табылған. Бүлдіршінді үйінен 4 шақырым жердегі көлдің маңынан жедел уәкіл Медет Жансейітов тауып алған.
Қазіргі уақытта баланың өмірі мен денсаулығына қауіп төніп тұрған жоқ. Қыздың анасы полицейлерге жеделдігі мен қырағылығы үшін шын жүректен алғыс білдірген.
Оқиға ата-аналарға балаларға үнемі назар аудару қажеттігін еске салады: кейде қас қағым сәттің өзі жағдайдың бақылаудан шығып кетуіне жеткілікті.
Бала жоғалып кетсе, бір минут та жоғалтпай, бірден полицияға хабарласу қажет.
