Мендыкарин аудандық соты қызғаныштан соққыға жыққан ер адамға 8 жыл жаза тағайындады
Мендыкарин аудандық соты азамат И.-ге қатысты қылмыстық істі қарады. Ол денсаулыққа қасақана ауыр зиян келтіріп, абайсызда өлімге әкеп соққан әрекет жасады деп айыпталды.
Не болды Қайғылы оқиға осы жылдың 3 қаңтарында кешкі уақытта болған. Мас күйінде ер адам қызғаныштан бірге тұратын әйелін қасақана ұрып-соққан. Алған ауыр жарақаттарының салдарынан әйел қайтыс болды.
Тараптардың ұстанымы Айыпталушы кінәсін мойындап, өкінетінін білдірген. Прокурор оған 10 жыл бас бостандығынан айыру жазасын тағайындауды сұраған. Жәбірленуші тараптың өкілі жазаны заңға сәйкес белгілеуді өтінген.
Айыпталушыға тағылған баптың санкциясы 8 жылдан 12 жылға дейін бас бостандығынан айыруды, мүлікті тәркілеумен немесе онсыз жазалауды көздейді.
Сот шешімі Сот жауаптылық пен жазаны жеңілдететін мән-жайлар ретінде кінәні мойындауды, істегеніне өкінуді және кәмелетке толмаған балаларының барын ескерген. Ал ауырлататын мән-жай ретінде қылмыстың алкогольдік масаң күйде жасалғаны танылған.
Нәтижесінде сот Қазақстан азаматын 8 жылға колонияға жіберді. Үкім заңды күшіне енген жоқ.
0
Войдите, чтобы оставить комментарий
Загрузка комментариев...