Елена Рыбакина Индиан-Уэллс турнирінің жартылай финалында Элина Свитолинаны жеңді
Қазақстанның бірінші ракеткасы Елена Рыбакина Индиан-Уэллсте (АҚШ) өтіп жатқан турнирдің 1/2 финалында украиналық Элина Свитолинаны жеңді.
Матч 1 сағат 47 минутқа созылды. Қазақстандық теннисші қарсыласын екі сетте ұтып, есепті 7:5, 6:4 етті.
Финалда Индиан-Уэллс турнирінде Рыбакина әлемнің бірінші ракеткасы, беларусьтік Арина Соболенкомен ойнайды.
Жарыс жеңімпазы 1 миллион 201 мың 125 доллар ( 585 миллион теңгеден астам ) алады. Индиан-Уэллстегі турнирдің жалпы жүлде қоры 18 831 450 доллар ( 9,4 миллиард теңгеден астам ) болып отыр.
Еске салайық, бұған дейінгі кезеңде Елена Рыбакина америкалық Джессика Пегуланы жеңген еді.
Жеңістен кейін Қазақстанның үздік теннисшісі Индиан-Уэллстегі турнирдегі жеңісіне пікір білдірді, бұл нәтиже оны әлемнің екінші ракеткасы атандырды.
Оқуға ұсынылады: «Мен аспаз емеспін»: Елена Рыбакина үйде тамақ дайындау туралы айтты
