Александр Бублик Индиан-Уэллстегі «Мастерс» турнирінде Вит Коприваны жеңді
Қазақстанның үздік теннисшісі, әлемнің 10-ракеткасы Александр Бублик Индиан-Уэллсте (АҚШ) өтіп жатқан «Мастерс» турнирі аясында Чехия өкілі Вит Коприваны жеңді.
Бублик пен әлемнің 62-ракеткасы атанған қарсыласының кездесуі үш сетке созылып, 2 сағат 5 минутта аяқталды. Ойын барысында қазақстандық теннисші 10 эйс жасап, 1 қос қателікке жол берді және 11 брейк-пойнттың үшеуін сәтті жүзеге асырды.
Кездесудің қорытынды есебі: 3:6, 7:6 (7:3), 6:2 — Александр Бубликтің пайдасына.
Келесі айналымда Бублик австралиялық Ринки Хидзикатамен кездеседі. Ол рейтингте 117-орында тұр. Матч 9 наурызда өтеді, ал басталу уақыты кейінірек белгілі болады.
Турнирдің ерлер және әйелдер жарыстарын қамтитын жалпы жүлде қоры 18,8 миллион долларды (9,4 миллиард теңге) құрайды.
Бұған дейін қазақстандық теннисші Елена Рыбакина Индиан‑Уэллстегі беделді турнирді қиын жеңіспен бастағаны хабарланған.
Сондай-ақ жас қазақстандық теннисші Зангар Нурланулы Таяу Шығыстағы жағдайға байланысты Түркиядағы турнирдің кенеттен тоқтатылғанын айтқан. Турнир тоқтатылған сәтте ол Антальядағы қонақүйде болған және шешуші кезеңдерге жетуді жоспарлаған.
Сонымен қатар Рыбакинамен түскен фотоға қатысты: «Адекватсыз түрде қол тигізеді» — бір ер адам жанкүйерлердің ашуын тудырғаны да айтылды.
