Шымкентте бір подъезде алдын ала мәлімет бойынша төрт адам қаза тапты
**Шымкентте** бір подъезде, алдын ала мәлімет бойынша, **төрт адам қаза тапты**. Олардың өліміне **көмірқышқыл газымен улану** себеп болуы мүмкін.
Оқиға **«Студенческий городок»** шағынауданында болған. Көршілердің айтуынша, бұған дейін олар **газ иісіне** қатысты шағымданған. Алайда газ қызметі тарапынан әзірге **ресми түсініктеме берілген жоқ**.
Полиция **қауіпсіздік талаптарына сай келмейтін жұмыстарды орындау немесе қызмет көрсету салдарынан адам өліміне әкелу** фактісі бойынша **қылмыстық іс қозғады**. Қазір **тергеу шаралары жүргізіліп жатыр**.
**Ислам Файзуллаев, көрші:**
- Бірінші қызды шамамен түн ортасында тапты. Кеше пәтер иесі келді. Қыз пәтерді жалдап тұрған. Ол кірген кезде жуынатын бөлме құлыптаулы болып шықты. Ашқанда, қыздың жуыну кезінде қайтыс болғанын көрді. Содан кейін учаскелік инспекторды шақырды, бірақ олардың есікті бұзуға өкілеттігі болмаған шығар, сондықтан бәрін сыртқа шығарды. Кейін ТЖМ қызметкерлері келіп, басқа есіктерді де аша бастады да, тағы мәйіттерді тапты.
