Қазақстанда медицина қызметкерлері арасында гендерлік әртүрлілік артты, бірақ негізгі жүктеме әлі де әйелдерде
Қазақстанда соңғы 10 жыл ішінде медицина қызметкері мамандығы гендерлік тұрғыдан әртүрлі бола түсті. Дегенмен, денсаулық сақтау саласындағы негізгі жүктеме әлі де әйелдердің үлесінде қалып отыр.
Статистика Бүгінде әйелдер елдегі барлық медицина қызметкерлерінің 83 пайызын құрайды. Бұл қатарға дәрігерлер, медбикелер, акушерлер және басқа да мамандар кіреді.
Дәрігерлер арасында әйелдердің үлесі 70 пайыздан асады — 58 311 адам. Ерлер қалған 30 пайызды құрайды, яғни 25 068 адам.
Министрлік дерегіне сәйкес, күн сайын пациенттердің негізгі ағынын қабылдайтын бағыттарда әйелдердің үлесі әсіресе жоғары:
- жалпы практика дәрігерлері — әйелдер 80 пайыз,
- педиатрлар — 89 пайыз,
- терапевтер — 84 пайыз,
- инфекционистер — 82 пайыз.
Ал хирургиялық мамандықтар әлі де көбіне ерлер басым бағыттар ретінде қалып отыр:
- хирургтер — әйелдер 22 пайыз,
- анестезиолог-реаниматологтар — 31 пайыз,
- травматолог-ортопедтер — 15 пайыз.
Орта буын медперсонал және гендерлік өзгерістер Медбикелер, акушерлер және фельдшерлер арасында әйелдер дәстүрлі түрде басым: олардың үлесі 88 пайыздан асады, бұл 174 890 адам.
Сонымен бірге, соңғы он жылда құрылым біртіндеп өзгеріп келеді. 2014 жылы орта буын медперсоналдағы ерлердің үлесі небәрі 6 пайыз болған (шамамен 11 мың адам). Ал 2024 жылға қарай олардың үлесі екі есе өскен.
Читайте также:
Врачи-блогеры Казахстана: зачем они идут в Instagram и как среди них найти эксперта
Кто будет лечить казахстанцев: каждый пятый медик близок к пенсии
