БҚО-да 16 жастағы қызды зорлады деген күдікпен шенеунік қамауға алынды
**Батыс Қазақстан облысында** полиция 16 жастағы қызды зорлады деген күдікпен шенеунікті ұстады.
Не белгілі БҚО полиция департаменті ресми сұрауға берген жауабында күдікті шенеуніктің ұсталғанын хабарлады. Ведомствоның мәліметінше, кәмелетке толмаған қыздың әкесінің БАҚ-та айтқан уәждеріне байланысты қылмыстық іс облыстық полиция департаментінің **Тергеу басқармасының өндірісіне** қабылданған.
Полицияның жауабында **қосымша мәліметтер сотқа дейінгі тергеп-тексеру аясында тексерілгені**, ал **күдіктінің қамауға алынғаны** көрсетілген.
Сондай-ақ іс **полиция департаменті басшылығы мен прокуратура органдарының бақылауында** екені айтылды. Полиция **қорытынды шешім сотқа дейінгі тергеп-тексеру нәтижесі бойынша** шығарылатынын, ал өзге ақпараттың **ҚР ҚПК-нің 201-бабына сәйкес жария етілмейтінін** мәлімдеді.
Мән-жай Батыс Қазақстанда шенеунік кәмелетке толмаған қызды зорлады деген айып тағылған. Жәбірленушінің әкесі **68 жастағы шенеунік** оның кәмелетке толмаған қызын алдап үйіне апарып, сол жерде күш қолданғанын айтқан.
Әкесінің сөзінше, арыз берілгеннен кейін күдікті ұсталғанымен, көп ұзамай босатылған. Ол тергеу полиция тарапынан жеткілікті белсенді жүргізілмей жатқанын да мәлімдеген.
Істің тоқтатылып, қайта жандануы Кейінірек полиция жыныстық қатынас **өзара келісіммен** болғанын мәлімдеді: ресми дерек бойынша, қыз бен ер адам арасында **хат алмасу** болған. Сонымен бірге полицияда «**жәбірленуші мен оның анасы күдіктіге қатысты қандай да бір талаптан бас тартады**» деген ақпарат айтылған.
Келесі күні Мәжілістегі брифингте ішкі істер министрінің орынбасары **Санжар Адилов** БҚО полициясы 16 жастағы қызды зорлау мүмкіндігі бойынша тергеуді **қайта бастағанын** хабарлады. Оның айтуынша, тергеу органдары істі тоқтату туралы **бұрынғы шешімді жойған**.
Журналистер күдіктіні босатып, істі жапқан полиция қызметкерлері жауапқа тартыла ма деп сұрағанда, орынбасар министр **сотқа дейінгі тергеп-тексеру нәтижесіне қарай** ІІМ-де **қызметтік тексеріс жүргізу туралы шешім қабылданатынын** айтты.
