Алматыда волонтерлер мен жастар креативті видеороликтер арқылы референдумға қатысуға шақырды
Алматыда волонтерлер мен жастар референдумға қатысуға шақырып, креативті видеороликтер ұсынды. Видеоматериалдардың ішінде Волонтерлік ұйымдар форумынан түсірілген роликтер де бар. Бұл туралы Алматы қаласы бойынша Жалпыұлттық коалицияның баспасөз қызметі мәлімдеді.
Жоба қатысушыларының айтуынша, жастар үшін қоғамдық үдерістерге белсенді араласу және елдің дамуына қатысты негізгі мәселелер бойынша өз позициясын білдіру мүмкіндігі маңызды. Осыған байланысты медиа өкілдері бастаманы жас буынға жақын әрі түсінікті заманауи видеоконтент форматы арқылы қолдауды жөн көрген.
Қатысушылар елдің болашағы бүгін қалыптасатынын атап өтіп, референдумға қатысу әрбір азамат үшін маңызды шешімдерді қабылдауға өз үлесін қосудың бір жолы екенін айтты.
Ұйымдастырушылардың пікірінше, мұндай форматтар маңызды қоғамдық оқиғалар туралы ақпаратты кең аудиторияға жеткізіп, жастарды елдің болашағы туралы диалогқа тартуға мүмкіндік береді.
Коалицияның баспасөз қызметінің мәліметінше, ролик әлеуметтік желілерде белсенді таралып, қолданушылардың қызығушылығын тудырып отыр. Бұл алматылық жастардың қоғамдық үдерістерден шет қалмай, елдің дамуына бағытталған бастамаларды қолдауға дайын екенін көрсетеді.
