Астанада барлық деңгейдегі мәслихат депутаттарының III республикалық форумы өтті
Қазақстан Республикасының астанасы — Астана қаласында барлық деңгейдегі мәслихат депутаттарының III республикалық форумы өтті.
Форум барысында Қасым-Жомарт Тоқаев сөз сөйлеп, жиынның маңыздылығына тоқталды. Мемлекет басшысы мәслихаттардың саяси және экономикалық реформаларды іске асырудағы, сондай-ақ мемлекеттік басқару жүйесін жаңғыртудағы рөлі ерекше екенін атап өтті.
Президенттің айтуынша, Қазақстанда халықтың әл-ауқатын арттыруға бағытталған ауқымды тарихи өзгерістер жүзеге асырылып жатыр. Осы реформалар аясында мемлекеттік басқару, экономика және әлеуметтік сала терең жаңғыртылуда.
Бұл үдерісте мәслихаттарға ерекше міндет жүктелген. «Күшті өңірлер – қуатты ел» қағидатына сәйкес мәслихаттардың беделі артып, олар мемлекеттік жүйедегі маңызды институттардың біріне айналып келеді.
Сонымен қатар Мемлекет басшысы мәслихаттардың әлеуетін одан әрі нығайту және олардың тиімділігін арттыру бағытында әлі де бірқатар міндеттер тұрғанын айтты.
#Астана #Казахстан #Маслихат #Токаев , #референдум2026
