Көкшетау әуежайы меншік иесін ауыстыруға дайындалып жатыр
Көкшетау әуежайы меншік иесін ауыстыруға дайындалып жатыр.
Мәліметтер
Белгілі болғандай, Көкшетау қалалық әуежайы әлі де «Нұрсұлтан Назарбаев халықаралық әуежайы» АҚ-ның филиалы болып саналады. Ақмола облысының жолаушылар көлігі және автомобиль жолдары басқармасы бұған дейін Көкшетау әуежайы Астана әкімдігінің коммуналдық меншігінде екенін нақтылаған.
Әуежай тарапынан берілген ақпаратқа сәйкес, қазір филиалды Ақмола облысының коммуналдық меншігіне беру рәсімі жүріп жатыр. Осыған байланысты:
- даму стратегиясы,
- инфрақұрылымды жаңғырту,
- маршруттық саясат,
- әуе компанияларын тарту,
- қаржылық модель
сияқты мәселелер уәкілетті мемлекеттік органдар мен жергілікті атқарушы органдардың қатысуымен пысықталып жатыр.
Өңір әкімдігі не дейді
Кейбір жайттарды нақтылау үшін Ақмола облысының әкімдігімен байланыс жасалған. Өңір әкімдігінің баспасөз қызметі Көкшетау әуежайын Ақмола облысының коммуналдық меншігіне беру бойынша жұмыс жүргізіліп жатқанын, бірақ әзірге әуежай Астананың қарамағында екенін атап өтті.
Әуежайды жаңа иесіне берудің нақты мерзімі әзірге нақтыланбаған.
Бұған дейін азаматтық авиация комитеті Көкшетау әуежайы Алматы, Шымкент және Ақтау қалаларына ғана үш ішкі бағыт бойынша қызмет көрсететінін, халықаралық рейстер жоқ екенін хабарлаған.
Сәуір айының соңындағы жағдай бойынша да тек осы үш рейс орындалып отыр.
Сондай-ақ жуырда Шығыс Қазақстан облысындағы Катон-Қарағай мен Зайсан аумақтарында екі жаңа әуежай салу мерзімдері белгілі болған.
Осыған қатысты: Қазақстандағы ең биік сарқырамаға апаратын жолды 2027 жылы аяқтау жоспарланып отыр
