Қарағанды облысының дене шынықтыру және спорт басқармасына жаңа басшы тағайындалды
Туризм және спорт министрлігі Серік Сапиев қызметінен кеткеннен кейін Қарағанды облысының дене шынықтыру және спорт басқармасына жаңа басшы тағайындады.
Министрліктің баспасөз қызметінің мәліметінше, Қарағанды облысының дене шынықтыру және спорт басқармасы басшысы лауазымына Нүркен Нұратов тағайындалды.
Нүркен Нұратов бұған дейін Алматы облысының Олимпиадалық резервті даярлау орталығының басшысы қызметін атқарған.
Серік Сапиевке қатысты жанжал және қызметтен шеттетілу
Бұған дейін аталған лауазымды 2012 жылы Лондонда (Англия) өткен Олимпиада ойындарының чемпионы Серік Сапиев атқарған.
2026 жылғы 23 қаңтарда Серік Сапиевтің орынбасары Дәурен Есімхановпен болған жанжал салдарынан дене жарақатын алғаны туралы ақпарат тарады. Оқиға бойынша ұрып-соғу фактісімен қылмыстық іс тіркелген.
Осыған байланысты өңірлік полиция департаменті мынадай мәлімет берген:
"Қарағанды қаласының 42 жастағы тұрғынының арызы бойынша ұрып-соғу фактісімен қылмыстық іс қозғалды. 21 қаңтарда қаладағы спорт кешендерінің бірінің ғимаратында екі ер адам арасында жанжал болғаны анықталды. Қазіргі уақытта полиция қызметкерлері болған оқиғаның барлық мән-жайын анықтап жатыр".
Кейін интернетте оқиға болған мекемеде орнатылған бақылау камерасынан түсірілген кадрлар пайда болды. Онда Серік Сапиевтің кабинетке кіріп, біраз уақыттан соң одан жүгіріп шығып кеткені көрінеді.
Ақпанда әкімдікте екі шенеуніктің де өз еркімен жұмыстан кету туралы өтініш жазып, қызметтерін босатқанын хабарлаған.
Казахстан обошёл Узбекистан и завоевал три золота Кубка мира по боксу
