Еуропалық одақ Ресейге қатысты жеке санкцияларды 2026 жылғы 15 қыркүйекке дейін ұзартты
Еуропалық одақ Ресейге қатысты жеке санкцияларды кезекті рет алты айға, яғни 2026 жылғы 15 қыркүйекке дейін ұзартты.
ЕО Кеңесінің баспасөз хабарламасына сәйкес, қазіргі уақытта қара тізімде шамамен 2600 жеке және заңды тұлға бар. Қолданыстағы шаралар сапарға шектеулерді, активтерді бұғаттауды, сондай-ақ қаражат немесе басқа экономикалық ресурстар беруге тыйым салуды қамтиды.
ЕО Кеңесінде «ЕО Ресейдің қатыгез агрессиялық соғысын тоқтатып, бейбітшілік жөніндегі конструктивті келіссөздерге кірісуі үшін қысымды жалғастыруға және күшейтуге бұрынғыдай бел буған» екені айтылды.
Санкцияларды қайта қарау аясында екі адам тізімнен шығарылды, ал тағы бес адам қайтыс болуына байланысты тізімнен алынды.
Сондай-ақ Еуропалық одақ голландиялық мұнай трейдері Нильс Троостқа және Ресейдің мұнай құбыры компаниясы «Транснефть» басшысының қызы Майя Болотоваға қатысты санкцияларды ұзартпау туралы шешім қабылдады.
