Атырау облысындағы Сарайшық қалашығында шамамен 250 құнды артефакт табылды
Атырау облысында археологтар ортағасырлық Сарайшық қалашығының аумағынан шамамен 250 құнды артефакт тапты. Табылған жәдігерлердің қатарында Алтын Орда дәуірі ескерткіштерінде бұрын кездеспеген бірегей зат бар екені айтылды.
Осы маусымда "Сарайшық" мемлекеттік музей-қорығының мамандары кешеннің бес учаскесінде ауқымды жұмыстар жүргізді. Тұрмыстық бұйымдардан бөлек, ғалымдар тұрғын үйлердің бөліктерін, цитадельдің және керуен-сарайдың фрагменттерін ашты. Бұл нысандар XIV ғасырдың басымен мерзімделеді.
Музейдің бас инспекторы әрі археологы Айбек Тураровичтің айтуынша, қор коллекциясы металлдан, шыныдан, сүйектен және керамикадан жасалған бұйымдармен толыққан. Дегенмен, бір олжа ғылыми қауымдастықтың ерекше назарын аударған.
"Самым уникальным предметом является бронзовый замок XIV-XV веков. Ранее подобные изделия не встречались в городищах Алтын Орды", — заверил археолог.
Сарайшық — Қазақстандағы ең көне қалалардың бірі. Ол әр кезеңде Алтын Орданың, Ноғай Орданың және Қазақ хандығының астанасы болған.
Тарихи орынның танымалдығы да артып келеді. Екі жыл бұрын кешенге 18 мың адам келсе, өткен жылы туристер саны 28 мыңға дейін өскен.
