Шымкенттегі Бадам өзеніндегі дамбаның бір бөлігі бұзылуына қатысты вице-министр Кеген Тұрсынбаев пікір білдірді
**Шымкенттегі Бадам өзенінде** бетон дамбаның бір бөлігі бұзылуына байланысты Төтенше жағдайлар жөніндегі вице-министр **Кеген Тұрсынбаев** түсініктеме берді.
Не болды Ақпан айында Шымкенттегі Бадам өзенінде жағалауды бекіту жұмыстары аяқталғаннан кейін бірнеше ай өткен соң бетон дамбаның **шамамен 40 метрі** бұзылғаны анықталды.
Шымкенттің **қалалық жайлы ортаны дамыту басқармасының** мәліметінше, белгісіз адамдар өзен арнасынан тікелей **өзен тасын өндірген**. Бұл гидротехникалық құрылымның зақымдануына әкелген.
Нәтижесінде бетон конструкциясының **шамамен 40 метрі** бүлінген. Құқық қорғау органдары кінәлілерді анықтап жатыр.
Дамба құрылысына бюджеттен **2,7 миллиард теңге** бөлінген. Жаңартылған дамба су деңгейі дәстүрлі түрде көтерілетін көктемгі тасқын кезеңінде тәуекелдерді төмендетеді деп күтілген.
ТЖМ не деді Сенаттағы брифингте Кеген Тұрсынбаевтан ықтимал су басу аймағында тұрғын үйлер қалып қойса, дамбаның бұзылуына кім жауап беретіні сұралды.
Вице-министрдің айтуынша, ол бұл мәселе бойынша өзі барып, **Қызылорда облысын, Түркістан облысын және Шымкентті** аралаған, сондай-ақ оқиға болған жерде болған.
"Мен осы мәселе бойынша өзім шықтым, дәл Қызылорда, Түркістан облыстары, Шымкентке бардым. Осы жерде болдым. Жақын маңдағы үйлерге қауіп жоқ. Бұл нысан кепілдікте, сондықтан мердігер (зақымды — ред.) жойып жатыр", — деді Кеген Тұрсынбаев.
Бұған дейін әкімдікте де мердігер ұйым зақымданған бөлікті **өз қаражаты есебінен** қалпына келтіретіні хабарланған. Нысан **жеті жылдық кепілдікте** екені айтылды.
