Қазақстандық таеквондошы Айым Серикбаева юниорлар арасындағы әлем чемпионатында алтын медаль жеңіп алды
🇰🇿 Қазақстандық таеквондошы Айым Серикбаева 44 кг-ға дейінгі салмақ дәрежесінде юниорлар арасындағы әлем чемпионатының «алтын» жүлдесін жеңіп алды.
01 / 08
Ташкентте өткен турнирдің финалында Серикбаева сенімді әрі салқынқандылық танытып, Мексикадан келген қарсыласы — Понсе Нуньес Даре Ширлиге мүмкіндік қалдырмады.
Жекпе-жек 2:0 есебімен қазақстандық спортшының пайдасына аяқталды.
Бұл жеңіс жеке жетістік қана емес, Қазақстан таеквондосы үшін де маңызды оқиға ретінде аталды. Қазақстан құрамасы юниорлар арасындағы әлем чемпионатында соңғы рет ең жоғары тұғырға 2006 жылы, яғни шамамен екі онжылдық бұрын көтерілген.
Айым Серикбаева бұған дейін де жоғары деңгейін дәлелдеген: оның еншісінде Азия чемпионы атағы және жасөспірімдер арасындағы Азия ойындарындағы жеңіс бар.
📹: @taekwondowtkz @qaz.tkd
