12 наурыздан бастап жол камералары жаңа құқықбұзушылық түрлерін тіркей бастайды
**Полиция жүргізушілерге 12 наурыздан бастап жол камералары жаңа құқықбұзушылық түрлерін тіркей бастайтынын ескертті.** Осы күні Әкімшілік құқықбұзушылық туралы кодекске енгізілген өзгерістер күшіне енеді, соның нәтижесінде жол камералары арқылы тіркелетін құқықбұзушылықтар тізімі едәуір кеңейеді. Өзгерістер бүкіл ел аумағына қатысты.
Бұған дейін Ішкі істер министрлігі бұл жаңашылдықтардың мәнін түсіндіріп, **жаңа айыппұлдар енгізілмейтінін**, негізгі өзгеріс құқықбұзушылықтарды **тіркеу тәсілдеріне** қатысты екенін атап өткен.
Не өзгереді Енді камералар автоматты түрде:
- рөлде отырып **телефон қолданған** жүргізушілерді;
- **қауіпсіздік белдігін тақпаған** жүргізушілерді анықтай алады.
Бұған дейін мұндай құқықбұзушылықтарды полиция қызметкерлері қолмен анықтап келген.
Сонымен қатар камералар құжаттарға қатысты құқықбұзушылықтарды да тіркей бастайды:
- **техникалық байқаудың мерзімі өтіп кетуі**;
- **қолданыстағы сақтандыру полисінің болмауы**.
Жүйе заң рұқсат еткен жағдайларда автоматты түрде **ескерту** де шығара алады. Мысалы, **кептеліс жасау** немесе **сыртқы жарық құралдарын дұрыс қолданбау** жағдайларында.
Бұрын қалай болды Осыған дейін автоматты камералардың мүмкіндігі шектеулі болып, олар тек алты түрлі құқықбұзушылықты тіркеген:
- жылдамдықты асыру;
- бағдаршамның тыйым салатын сигналына өту;
- жол белгілері мен таңбалау талаптарын сақтамау;
- тоқтау немесе тұрақ ережелерін бұзу;
- басып озу және жолда орналасу ережелерін бұзу;
- жаяу жүргіншілерге жол бермеу.
Неліктен енгізіліп жатыр Заңда көрсетілген талаптарға қарамастан, Қазақстанда жүргізушілер қауіпсіздік белдігін елемей жатады.
Жол-көлік оқиғаларының басым бөлігі жүргізушілердің кінәсінен болады. Мысалы, **2025 жылдың басынан бергі 9 мыңнан астам апаттың** ішінде **8 мыңға жуығы** олардың ереже бұзуымен байланысты.
Сарапшы **Асель Байдаулетованың** айтуынша, себептері бірнешеу: **шаршау, зейіннің бөлінуі, рөлде телефон қолдану**. Елде көлік саны артып келеді, ал жолдар мен қозғалысты ұйымдастыру бұл өзгерістерге әрдайым ілесе бермейді.
Сарапшы **Алексей Алексеев** қауіпсіздік белдігін таққан және тақпаған адамның айырмашылығы кей жағдайда өлімге әкелетінін еске салды:
"Приезжаешь на ДТП: один вылетел через лобовое и погиб, другой – перевернулся несколько раз, но остался жив только потому, что был пристегнут. Люди беспечны, они не думают о последствиях. Видишь, как ребенок играет у открытого окна на скорости 100 километров в час, и понимаешь, что некоторые всерьез верят в бесконечное количество жизней".
Қауіпсіздік белдігін тақпау және рөлде телефон қолдану тек айыппұлға ғана емес, жүргізушінің кінәсінен басқа жол қозғалысына қатысушылар зардап шегуі мүмкін жол-көлік оқиғаларына да әкелуі ықтимал.
Бұған дейін Қазақстан жолдарында қауіптің үш есе артқаны туралы да айтылған.
Сондай-ақ: "Думают, что у них много жизней": казахстанские водители продолжают игнорировать ремни безопасности.
