Қазақстанда 12 наурыздан бастап камералар жолдағы жаңа құқықбұзушылықтарды тіркей бастады: алғашқы айдың қорытындысы жарияланды
Қазақстанда 12 наурыздан бастап жол камералары жаңа құқықбұзушылық түрлерін тіркей бастады. Ішкі істер министрлігі мемлекеттік дерекқорларды пайдалану арқылы іске қосылған жүйенің алғашқы айдағы нәтижелерін жариялады.
ІІМ мәліметінше, жүйе іске қосылған сәттен бері:
- 5 мыңнан астам сақтандыру полисінің жоқтығы фактісі;
- 5,5 мыңнан астам техникалық байқаудан өтпеу жағдайы;
- қауіпсіздік белдігін қолданбауға байланысты шамамен 700 құқықбұзушылық;
- рөлде ұялы телефон қолданудың 6 фактісі анықталған.
ІІМ өкілдері жүйенің мақсаты жазалау емес, құқықбұзушылықтың алдын алу және азаматтардың өмірі мен денсаулығын қорғау екенін атап өтті. Сондай-ақ азаматтарды заң талаптарына жауапкершілікпен қарауға, сақтандыру полисінің бар-жоғын алдын ала тексеруге, техникалық байқаудан уақытылы өтуге және жол қозғалысы ережелерін қатаң сақтауға шақырды.
Рөлде телефонды қалай қолдануға болады Бұған дейін полиция телефонды ұстағышқа бекітілген күйде навигатор ретінде қолдануға болатынын, бірақ жүргізуші қозғалыс кезінде құрылғымен өзара әрекеттеспеуі керектігін түсіндірген.
Сонымен қатар, заңнамада телефонды қолда ұстап тұруды талап етпейтін заманауи байланыс технологияларын қолдануға тыйым салынбайды. Мұндай жағдайларға:
- hands-free жүйелері;
- Bluetooth;
- автокөліктің штаттық мультимедиялық жүйелері;
- дауыстық басқару жатады.
Еске салайық, заң рұқсат еткен жағдайларда жүйе автоматты түрде ескерту шығара алады. Мысалы, кептеліс жасау немесе сыртқы жарық құралдарын дұрыс қолданбау кезінде.
Осы тақырыпқа қатысты: Қазақстандағы камералар екі танымал құқықбұзушылықты тіркей бастайды.
