Өскеменде полиция қызметкеріне шабуыл жасады деген күдіктілер ұсталды
Өскеменде полиция қызметкеріне шабуыл жасады деген күдіктілер ұсталды.
22 наурызда Сағадат Нұрмағамбетов көшесінде патрульдік полиция қызметкеріне көмек сұрап жасөспірім жүгінген. Ол екі бейтаныс жас жігіттің агрессивті мінез-құлқы туралы хабарлаған.
ШҚО ПД түсіндіруінше, оқиға орнына келген полиция қызметкері аталған азаматтардың бағынбауына тап болған. Қолда бар деректерге сәйкес, мас күйдегі екі қала тұрғыны полиция қызметкерінің заңды талаптарын елемей, оған шабуыл жасаған.
ШҚО ПД мәліметінше, оқиғадан кейін шабуыл жасағандар қашып кеткен, алайда жедел түрде анықталып, ұсталған. Олардың қолынан қару тәркіленген. Қазіргі уақытта күдіктілер уақытша ұстау изоляторына қамалды.
БАҚ дерегінше, оқиға салдарынан полиция қызметкері оқ жарақатын алған. Қазір ол медициналық мекемеде, жағдайы тұрақты деп сипатталады. Сондай-ақ шабуыл жасағандар офицердің қызметтік қаруын иемденіп үлгерген.
Қала полиция басқармасы өкіл билік өкіліне қызметтік міндетін атқаруына байланысты адамдар тобы болып, өмірге қауіпті күш қолдану фактісі бойынша сотқа дейінгі тергеу бастады.
