Павлодарлықтарға табыс декларациясын тапсыруға асықпау ұсынылды: соңғы мерзім — 15 қыркүйек
Соңғы екі-үш жылда табыс декларациясын мемлекеттік кірістер органдарына тапсыруға міндетті болған көптеген павлодарлықтарды «декларация тапсыру керек пе, жоқ па?» деген сұрақ алаңдатып отыр. Бұл есепті олар өздері үшін де, жұбайлары үшін де ұсынуы тиіс болған.
Өткен жылдың желтоқсанында облыстық мемлекеттік кірістер департаментінің өкілдері декларация тапсыруға міндетті азаматтар санаттарының тізімін қысқарту жоспарланып отырғанын хабарлаған. Көктем келгенде көпшілік жаңа құжаттарды рәсімдеу уақыты келді ме, әлде әлі күте тұруға бола ма деген мәселені нақтылағысы келеді.
Мамандар асықпауға кеңес береді. Декларация тапсырудың соңғы мерзімі — 15 қыркүйек, сондықтан уақыт бар. Себебі жалпыға бірдей декларациялауға қатысты заңнамадағы өзгерістер ресми түрде әлі енгізілмеген. Дегенмен, бұл өзгерістердің әзірленгені туралы павлодарлықтарға өткен жылдың соңында хабарланған.
Бастапқыда табыс туралы есептілік 2025 жылға дейін барлық қазақстандықтарды қамтуы тиіс болған. Бұл үдеріс 2021 жылы іске қосылды. Алғашқы үш кезеңде жүйеге жауапты мемлекеттік лауазымдарды атқаратын тұлғалар, мемлекеттік қызметшілер, квазимемлекеттік сектор қызметкерлері, заңды тұлғалардың басшылары және жеке кәсіпкерлер енгізілді.
Толығырақ Галина Александрованың «Сдаём декларацию?» материалынан «Звезда Прииртышья» газетінде оқи аласыз.
Фото с сайта gov.kz.
#Павлодарскаяобласть #декларация #вопрос #доходы #сдавать #налоговаядекларация #документы #актуально
