Қазақстандық альпинистер тарихта алғаш рет Эйгер тауының солтүстік қабырғасын бағындырды
Қазақстандық альпинистер алғаш рет тарихта Берн Альпаларындағы Эйгер тауының (3 970 м) солтүстік қабырғасын өтті. Бұл бағыт әлемдік альпинизмдегі ең күрделі әрі қауіпті маршруттардың бірі саналады және «Өлім қабырғасы» деген атаумен белгілі.
Шыңға шығуды Алматыдан шыққан JASA TEAM @jasa.universe.kz командасының қатысушылары Омар Асербеков пен Григорий Щукин жүзеге асырды. Олар қабырғаны классикалық Хекмайер маршрутымен (қиындық санаты 6А) еңсерді.
Көтерілу шамамен екі жарым күнге созылды. Бірінші күні альпинистер маршруттың басым бөлігін өтіп, «Өлім бивуағы» деп аталатын жерде түнеді — шатырсыз, сақтандыру нүктелеріне бекітілген күйде. Келесі күні олар қабырғаның ең күрделі жоғарғы бөлігін бағындырып, шыңға жетті және төмен түсе бастады. Түсу үшінші күні аяқталды.
Команда осы маусымда аталған маршрутпен өткен алғашқы топ болды. Спортшыларға жолды өздері салуға және жартастарды қардан тазартуға тура келді. Маршрут автономды стильде — гидтерсіз және алдын ала дайындықсыз — өтті.
Эйгердің солтүстік қабырғасы Альпідегі ең қауіпті бағыттардың бірі ретінде есептеледі: 1935 жылдан бері онда 60-тан астам альпинист қаза тапқан. Бұған дейін, 2025 жылы Асербеков пен Щукин Пти-Дрю және Гранд-Жорас тауларының солтүстік қабырғаларын да өткен, осылайша ең күрделі үш солтүстік қабырғаны бағындырған алғашқы қазақстандықтар атанған.
