Ақтөбеде әйел танысынан телефонды «бір минутқа» сұрап алып, iPhone үшін несие рәсімдеді
Ақтөбе қаласында Орталық базар ауданында таныстар арасында болған оқиға бойынша әйел адам ер адамнан телефонды «бір минутқа» сұрап алғаннан кейін, оның атына несие рәсімдегені анықталды.
Полиция мәліметінше, әйел танысымен кездесіп, шұғыл хабарлама жіберу сылтауымен оның телефонын сұраған. Құрылғыға қол жеткізген соң, бірнеше минут ішінде банк қосымшасына кіріп, ер адамның атына 24 ай мерзімге бөліп төлеуді рәсімдеген.
Сатып алынған тауар iPhone 15 болып шықты. Оның құны 421 990 теңге. Операция жасалғаннан кейін әйел телефонды иесіне қайтарып беріп, жасалған әрекет туралы айтпастан кетіп қалған.
Ер адам болған жайтты бірнеше күннен кейін ғана, банк қосымшасын тексерген кезде білген. Ол полицияға жүгінгеннен кейін күдікті анықталып, бөлімшеге жеткізілді. Қазіргі уақытта сотқа дейінгі тергеу жүргізіліп жатыр.
t.me/kriminal_kazakhstan
