Талғарда зорлау, кісі өлтіру және баланы ұрлау ісі: басты айыпталушы 25 жылға сотталды
Талғарда өткен жылдың қыркүйегінде болған зорлау, кісі өлтіру және баланы ұрлау деректері бойынша сот үкімі шықты.
Тергеу нұсқасына сәйкес, ер адам әйелді зорлап, оны бопсалаған. Кейін әйелдің ағасын өлтіріп, екі жасар қызын алып кеткен. Қашып кетуге әрекеттенген кезде ол көлікпен бірге жардан құлап, жанында бала да болған. Қыз бала аман қалғанымен, жарақат алған.
Іс жабық режимде қаралды. Айыпталушылар орнында үш адам болды, олардың екеуі — кәмелетке толмаған. Негізгі айыпталушыға кісі өлтіру, зорлау, адам ұрлау және қаруды заңсыз сақтау сияқты баптарды қоса алғанда, 12 бап бойынша айып тағылған.
Сот басты айыпталушыны 25 жылға бас бостандығынан айырды. Қалған екі фигурант орташа қауіпсіздік мекемесінде 9 жылдан жаза алды.
Жәбірленушілердің азаматтық талабы ішінара қанағаттандырылды: негізгі айыпталушыдан 30 миллион теңге, ал қалғандарынан әрқайсысынан 15 миллион теңгеден өндірілді.
Сонымен қатар, Талғар ауданы полиция қызметкерлеріне қатысты ықтимал әрекетсіздік фактісі бойынша бөлек іс қозғалды. Тергеу мәліметінше, қайғылы оқиғадан бір ай бұрын әйел полицияға зорлау туралы арызбен жүгінген, алайда шара қолданылмаған, ал күдікті босатылған.
