16 жастағы Шерзат Полаттың өліміне қатысты іс қайтадан сотқа оралды: сотталғандар кассациялық шағым түсірді
16 жастағы Шерзат Полатты өлтіруге қатысты резонанс тудырған іс қайтадан сотқа оралды. Бұл іс бойынша сотталғандар кассациялық шағым түсіріп, өздерін толық ақтауды талап етуде.
Жәбірленуші тараптың адвокаты Мейірман Шекеевтің айтуынша, шағымдарды Азамат Токтаубаев пен Дидар Калиахметов жолдаған. Оның сөзінше, олар шығарылған үкіммен әлі күнге дейін келіспейді.
Юрист жәбірленушілердің қорғаушылары құжаттармен тек жуырда ғана таныса алғанын, себебі сот отырысы 7 сәуірге белгіленгенін айтты.
Еске салсақ, 2024 жылғы 4 қазанда Талғарда Шерзат Полат төбелес кезінде пышақталып, алған жарақатынан қаза тапқан.
Іс бойынша басты айыпталушы Абзал Шынасыл аса қатыгездікпен жасалған кісі өлтіру үшін 23 жылға сотталған. Тағы бір фигурант Равиль Сакиев топ болып кісі өлтіруге оқталу бойынша 20 жылға бас бостандығынан айырылған.
Төбелеске қатысқан өзге адамдарға пышақ қолданылған бұзақылық және басқа да қылмыстар үшін 7 жылдан 15 жылға дейін жаза тағайындалған.
