Иран АҚШ-пен келіссөздерді қайта бастау үшін үш талап қойды
Иран АҚШ-пен келіссөздерді қайта бастау үшін үш талап қойғаны хабарланды.
Талаптар қатарында соғыстың қайта басталуына кепілдіктер, толық ядролық отын цикліне қол жеткізу және өтемақы бар екені айтылды.
АҚШ пен Израильдің Иранға қарсы операциясы Еске салайық, АҚШ пен Израиль 28 ақпанда Иранға қарсы операция бастаған. Тель-Авивте оның мақсаты — Тегеранның ядролық қаруға қол жеткізуіне жол бермеу екені мәлімделді. Вашингтон Иранның флотын және қорғаныс өнеркәсібін жоятынын айтып, ел азаматтарын режимді құлатуға шақырды.
Соңғы деректер бойынша, АҚШ пен Израильдің Ирандағы шабуылдары салдарынан кемінде 1300 адам қаза тапқан, олардың ішінде жоғарғы көшбасшы Әли Хаменеи де бар. 9 наурызда Сарапшылар кеңесі Иранның жаңа жоғарғы көшбасшысының есімін жариялады — ол қаза тапқан көшбасшының ұлы Моджтаба Хаменеи болды.
БАҚ хабарлауынша, зымырандар тек әскери нысандарға ғана емес, Иран Ислам Республикасындағы және өңірдің басқа елдеріндегі азаматтық инфрақұрылымға да тиіп жатыр. Бұған жауап ретінде Тегеран Израиль аумағына, сондай-ақ Таяу Шығыстағы америкалық базаларға соққы беріп жатыр.
