Мари-Луиза Эта «Юнион Берлиннің» бас бапкері болып тағайындалды
34 жастағы Мари-Луиза Эта немістің «Юнион Берлин» клубының бас бапкері болып тағайындалды. Клуб бұл шешімді әлеуметтік желілерде жариялады.
Эта Штеффен Баумгарттың орнына келді. Баумгарт чемпионаттың соңғы командасы — «Хайденхаймнан» 1:3 есебімен жеңілгеннен кейін қызметінен босатылған.
Ересектер командасына тағайындалғанға дейін Мари-Луиза Эта «Юнионның» 19 жасқа дейінгі жастар командасымен жұмыс істеген.
«Мен клубтың маған осы күрделі міндетті сеніп тапсырғанына қуаныштымын. «Юнионның» мықты тұсы мұндай жағдайларда барлық күшті біріктіру болған және солай болып қала береді. Әрине, мен командамен бірге шешуші ұпайларды жинайтынымызға сенімдімін», — деді Мари-Луиза тағайындалуына қатысты.
Мари-Луиза Эта Еуропаның топ-5 лигасында ерлер командасын басқарған алғашқы әйел бапкер атанды. Ал «Юнион» клубы 29 турдан кейін Германия чемпионатында 11-орында тұр.
Бұған дейін Сауд Арабиясының «Аль-Наср» клубының және Португалия құрамасының жұлдызды шабуылшысы Криштиану Роналду гол соғып, 1000 гол мақсатына жақындай түсті.
Сондай-ақ 8 сәуірге қараған түні Мюнхеннің «Бавариясы» Чемпиондар лигасының 1/4 финалы аясындағы алғашқы матчта Мадридтің «Реалын» жеңді.
Сондай-ақ: «Реал» жұлдызының қашан оралатыны белгілі болды: деректер
