«Тобыл» Қазақстан Кубогының 1/16 финалында «Ансатты» 0:8 есебімен ірі есеппен жеңді
Қазақстан футболындағы Кубок пен Суперкубоктың қазіргі иегері — қостанайлық «Тобыл» Қазақстан Кубогының 1/16 финалында Павлодар облысының «Ансат» командасының қақпасына сегіз жауапсыз гол соқты.
Премьер-лига командасы Ақсу қаласының екінші лигада ойнайтын клубына қарсы кездесу өткізді.
Алғашқы таймнан кейін есеп 0:5 болды. Екінші таймда қостанайлықтар басымдықты одан әрі күшейтіп, матчты 0:8 есебімен аяқтады.
Ойында венесуэлалық шабуылшы Луис Герра екі гол соқты, ал қазақстандық Дамир Марат үш голдық пас берді.
Бұл нәтиже «Тобылдың» Қазақстан Кубогы тарихындағы ең ірі жеңісі атанды. Дегенмен, клуб тарихындағы ең ірі жеңіс емес: 2007 жылы Қазақстан чемпионаты аясында «Тобыл» «Оқжетпесті» 10:1 есебімен жеңген.
Айта кетейік, «Ансат» екінші лигадағы чемпионатты жеңіспен бастады. Ал «Тобыл» Қазақстан премьер-лигасының төрт турынан кейін 1 ұпаймен турнир кестесінің соңында тұр. Жазда командаға Еуропа лигасында ел намысын қорғау міндеті тұр.
Бұған дейін мадридтік «Реалдың» француз шабуылшысы Килиан Мбаппе Чемпиондар лигасының бір маусымындағы гол саны бойынша әйгілі аргентиналық шабуылшы Лионель Мессидің рекордын қайталағаны хабарланған еді.
