ІІМ Данияр Мейрханға қатысты материал тіркелгенін және оның тексеру кезеңінде қызметтен шеттетілгенін мәлімдеді
Желіде Данияр Мейрханға қатысты қылмыстық іс қозғалғаны туралы ақпарат пайда болды.
Не болды Бұған дейін интернетте Астанада ІІМ-нің есірткі қылмысына қарсы іс-қимыл жөніндегі комитетінің басшысы Данияр Мейрханға қатысты қылмыстық іс қозғалғаны жөнінде мәлімет тараған.
Сондай-ақ оған 20 бағынышты қызметкерден ұжымдық арыз түскені айтылған.
ІІМ не дейді ІІМ бұған дейін «бірқатар қызметкердің өтініштері бойынша материал белгіленген тәртіппен тіркелгенін» мәлімдеген.
Ведомствоның хабарлауынша, сұрауда көрсетілген тұлға тексеру жүргізу кезеңінде қызметтік міндеттерін орындаудан шеттетілген.
Данияр Мейрхан туралы Данияр Мейрхан — полиция полковнигі.
- 2012–2022 жылдары Оңтүстік Қазақстан облысы полиция департаментінде бөлім бастығынан басқарма бастығына дейінгі басшылық қызметтерде жұмыс істеген.
- 2023–2024 жылдары ҚР ІІМ Қостанай академиясында бөлім бастығынан академия бастығының орынбасарына дейінгі қызметтерді атқарған.
- 2024 жылғы қыркүйектен бастап — ІІМ-нің есірткі қылмысына қарсы іс-қимыл жөніндегі комитеті төрағасының орынбасары.
- 2024 жылғы желтоқсаннан бастап — аталған комитет төрағасының міндетін атқарушы.
- 2025 жылғы қыркүйектен бастап — ҚР ІІМ-нің есірткі қылмысына қарсы іс-қимыл жөніндегі комитетінің төрағасы.
0
Войдите, чтобы оставить комментарий
Загрузка комментариев...