Кувейт басылымы: Моджтаба Хаменеи жарақаттан кейін емделу үшін Мәскеуге жеткізілген
Кувейттің Al Jarida газеті жаңа Иранның жоғарғы көшбасшысы Моджтаба Хаменеи жарақат алғаннан кейін емделу үшін Мәскеуге жеткізілгенін хабарлады.
Басылымның жоғары лауазымды дереккөзге сілтеме жасап жазуынша, Хаменеи АҚШ пен Израильдің Иранға жасаған шабуылының бірінші күні жарақат алған. Дереккөз мәліметінше, ол емделу үшін Ресей астанасына құпия рейспен эвакуацияланған.
Сол дереккөздің айтуынша, Ресей президенті Владимир Путин өткен аптада Иран президенті Масуд Пезешкианмен телефон арқылы сөйлесу кезінде Моджтаба Хаменеиға Мәскеуде ем қабылдауды жеке өзі ұсынған.
Дереккөздің мәлімдеуінше, Мәскеуде Хаменеиға «сәтті» операция жасалған, қазір ол Путиннің резиденцияларының бірінің аумағындағы клиникада ем қабылдап жатыр. Бұл ақпаратқа ресми растау жоқ.
Бұған дейін Иран Сыртқы істер министрлігі Моджтаба Хаменеиның жарақат алғанын растаған және саясаткердің жағдайы қауіп төндірмейтінін хабарлаған.
