Түркістан облысында 31 наурызда жоғалған қыз баланың денесі табылды
Түркістан облысында құтқарушылар 31 наурызда жоғалған қыз баланың денесін тапты. Бұл туралы сенбі, 4 сәуірде, Қазақстан ТЖМ баспасөз қызметі хабарлады.
ТЖМ мәліметінше, 2026 жылғы 4 сәуірде іздестіру-құтқару жұмыстары барысында Түркістан облысы Сайрам ауданы Машат елді мекеніндегі Машат өзенінде ТЖМ жедел-құтқару жасағының қызметкерлері 2024 жылы туған баланың денесін анықтаған.
Іздестіру жұмыстары бірнеше күн бойы жүргізілген. Алдын ала деректер бойынша, қыз бала 31 наурызда өзенге құлап кеткен. Оның денесі оқиға болған жерден шамамен 7 шақырым төмен жақтан табылған.
Баланың іздеу жұмыстарының аяқталғанын волонтерлер де хабарлады.
Бұған дейін волонтерлер жергілікті тұрғындарды іздеуге қосылуға шақырған. Олардың айтуынша, жасы небәрі 1 жыл 8 ай болған қыз баланы өзен ағысы алып кеткен.
Сондай-ақ, Telegram-арнадағы ақпаратқа сәйкес, қайғылы оқиға сейсенбі күні кешке болған: бала су маңында болып, жағалауда ойнап жүрген кезде тайып кетіп, суға құлаған.
