Алматыда Минина мен Марков көшелерінің қиылысында ірі ағаш күндіз құлап түсті
Алматыда Минина және Марков көшелерінің қиылысында күндіз ірі ағаш өздігінен құлап түсті.
Оқиға жексенбі, 22 наурыз күні болған. Оқиға салдарынан ешкім зардап шекпеген.
Қала әкімдігінің мәліметінше, аталған ағаш апатты деп танылып, 2026 жылға жоспарланған кесу тізіміне енгізілген. Қазіргі уақытта Алматының Экология және қоршаған орта басқармасының тапсырысы бойынша ағаштарды кесу жұмыстарын жүргізетін мердігер ұйымды анықтау үшін конкурстық рәсімдер жүргізіліп жатыр.
Апатты ағаштың құлау фактісі бойынша Алматы қаласының Төтенше жағдайлар департаментінің 109 қызметіне өтінім жолданған. Бостандық ауданы әкімі аппаратының тапсырмасымен мердігер ұйым күштерімен құлаған ағаш жедел түрде жиналып, шығарылған.
Қазіргі уақытта жол жүру бөлігі мен жаяу жүргінші аймақтары толық тазартылып, қозғалыс қалпына келтірілді. Коммуналдық желілердің зақымдануы тіркелмеген.
