Ақмола облысында құтқарушылар батпақтан 56 жастағы ер адамды алып шықты
Ақмола облысының Целиноград ауданында құтқарушылар батпақтан 56 жастағы ер адамды алып шықты. Ол қалың қамыстың арасында суық суда шамамен төрт сағат болған.
Оқиға туралы Ақмола облысының ТЖД хабарлады. Далада көмек сұраған дауысты ТОО-лардың бірінің қызметкері естіп, бірден құтқарушыларды шақырған.
Құтқарушылар оқиға орнына келген кезде ер адамды қамыстың арасында суық суда тұрып қалған күйде тапқан. Адамдарды көрген сәтте ол әлсіз, дірілдеген дауыспен: "Мен өмір сүргім келеді… Жігіттер, сендер құтқарушысыңдар ма?" — деген.
ТЖД мәліметінше, 56 жастағы ер адам су ішінде шамамен төрт сағат болған. Құтқарылғаннан кейін ол бірден жедел жәрдем бригадасына тапсырылды. Дәрігерлер гипотермия диагнозын қойған.
ТЖД төтенше жағдай туындаған кезде 101 немесе 112 нөмірлеріне хабарласу керектігін еске салды.
Айта кетейік, жуырда Алматы облысының тауларында 17–18 жастағы 4 жасөспірім адасып кеткен. Оларға көмекке құтқарушылардың 2 жасағы барған.
