Таразда ер адам өзіне оқ атты: 35 жастағы кәсіпкердің мәйіті банк бөлімшесі маңынан табылды
Таразда таңертең ерте банк бөлімшелерінің бірінің маңынан 35 жастағы кәсіпкер Елнур Маймаковтың басынан оқ тиген мәйіті табылды.
Алдын ала мәлімет бойынша, ол оқиғаға дейін танысының үйінде қонақта болған. Ер адамдар арасында қарызға байланысты жанжал шыққан. Ұрыстан кейін олар көшеге шыққан. Бір сәтте ер адам қару шығарып, қарсыласының бағытына екі рет оқ атқан, алайда ешкім зардап шекпеген. Бірнеше минуттан соң ол тағы бір рет оқ атып, бұл жолы өзіне бағыттаған.
Марқұмның денесін таңғы намазға бірге бармақ болған танысы тапқан. Айтуынша, оқиға алдындағы түні қаза болған адам оған қоңырау шалып, күйзелісті жағдайда оқиға орнына жақын маңдағы кафеден алып кетуді сұраған.
Оқиға орнынан есепте тұрмаған травматикалық тапанша тәркіленді.
Полиция негізгі нұсқа ретінде ірі қарыздар мен ықтимал ойынқұмарлық тәуелділігін атап отыр. Аталған дерек бойынша «Өзін-өзі өлтіруге дейін жеткізу» бабы бойынша сотқа дейінгі тергеп-тексеру басталды. Күдікті ұсталып, ИВС-ке қамалды.
Істің басты фигуранты ретінде Алмас Крыкбаев аталады — ол «Крыкбаевские» отбасылық ҰҚТ (ОПГ) ағайындыларының бірі. Бұған дейін ол басқа есіммен жасырынып жүрген жерінен БАӘ-де ұсталғаны хабарланған. 2023 жылы ол бопсалау бойынша күдікке ілінген, алайда іс ескіру мерзімінің өтуіне байланысты тоқтатылған.
t.me/kriminal_kazakhstan
