Депутат Айтуар Кошмамбетов жұмыс берушілерге түсетін салық жүктемесін 25%-ға дейін төмендетуді ұсынды
Парламентте депутат Айтуар Кошмамбетов жұмыс берушілерге түсетін салық жүктемесінің әділетсіздігі туралы мәселе көтерді.
Қазіргі кезде елде айқын теңгерімсіздік бар: әрбір ресми жұмысқа қабылданған қызметкер үшін бюджетке 7 түрлі салық пен төлем аударылады. Есеп те келтірілді: 430 мың теңге жалақы кезінде қазынаға 146 мың теңге кетеді. Бұл жүктеме 40 пайыздан жоғары.
Сонымен қатар, қызметкер үшін мемлекетке төленетін төлемдер ЖК (ИП) жағдайында 2,5 есе төмен, ал өзін-өзі жұмыспен қамтыған адамда 9 есе аз екені айтылды. Депутаттың пікірінше, мұндай айырмашылық ірі компанияларды қызметкерлерді түрлі «қисық схемалармен» рәсімдеуге итермелейтіндей әсер қалдырады.
Нәтижесінде, бұл жағдай бюджетке түсетін қаражаттың азаюына алып келеді. Осыған байланысты депутат, президент бұған дейін бірнеше рет айтқандай, жұмыс берушілер үшін салық салу жүйесін жеңілдетуді, сондай-ақ жалпы жүктемені 25 пайызға дейін төмендетуді ұсынды.
Депутаттың айтуынша, егер осы өзгерістер нәтижесінде барлық «сұр» қызметкерлер «ақ» форматқа өтсе, қазына жылына қосымша триллион теңге ала алады. Әңгіме кемінде жарты миллион адам туралы болып отыр.
Бұл тәсілдің барша тарапқа тиімді екені атап өтілді: бизнеске қызметкерлерді жасырудың қажеті болмайды, жұмысшылар барлық қажетті әлеуметтік төлемдер мен зейнетақы аударымдарын алады, ал бюджет толықтырылады.
Мәселе ретінде бір сұрақ қалады: «Республика» өкілінің бұл ұсынысы ескеріле ме?
