Иран МАГАТЭ-ге Бушер АЭС аумағына жасалған жаңа соққы туралы хабарлады
Иран Халықаралық атом энергиясы агенттігін (МАГАТЭ) Бушер атом электр станциясы (АЭС) алаңына жасалған жаңа шабуыл туралы хабардар етті, зардап шеккендер жоқ.
Агенттіктің баспасөз қызметі Тегеран Бушер АЭС ғимаратына тағы бір снарядтың тигені туралы мәлімдегенін хабарлады.
МАГАТЭ хабарламасында: Иран дерегіне сәйкес, АЭС зақымданбаған, персонал зардап шекпеген және станцияның жағдайы қалыпты. Сондай-ақ МАГАТЭ бас директоры Рафаэль Гросси қақтығыс кезінде ядролық қауіпсіздікке төнетін қатердің алдын алу үшін барынша ұстамдылық танытуға қайта шақырғаны айтылды.
Бұған дейін Иранның атом энергиясы ұйымы (ОАЭИ) Бушер АЭС аумағына Израиль тарапынан екі соққы жасалғанын мәлімдеген. Алғашқы снаряд станцияның өндірістік алаңына түскен. Ведомство дерегінше, бұл оқиғалар құрбан болғандарға әкелмеген және атом станциясының жұмысына әсер етпеген.
ОАЭИ 17 наурызда да осындай оқиға болғанын еске салды. Ол кезде де снаряд Бушер АЭС маңына түскен, құрбандар мен қираулар тіркелмеген.
