СІМ: Қазақстандық туристер үшін Оңтүстік-Шығыс Азия елдері қазір қолайлы бағыт болуы мүмкін
Сенат кулуарында бүгін Сыртқы істер министрінің орынбасары Арман Исетовтен қазір демалыс үшін ең қауіпсіз елдер қайсы екені сұралды.
Исетовың айтуынша, қазақстандық туристер үшін қазіргі кезде ең қолайлы бағыт ретінде Оңтүстік-Шығыс Азия елдерін қарастыруға болады. Ол бұл қатарға Таиланд, Вьетнам және Камбоджаны жатқызды.
«Бұл сұраққа қазір жауап беру өте қиын, өйткені әртүрлі елдерден азаматтар мен туристерге қатысты жағдайлар болғаны туралы ақпарат келіп түседі. Сондықтан бұл сұраққа нақты жауап бере алмаймын. Бірақ менің ойымша, қазіргі уақытта, мысалы, Оңтүстік-Шығыс Азия елдері, мүмкін, біздің туристер үшін қолайлырақ шығар», — деді вице-министр.
Сонымен бірге Арман Исетов Таяу Шығыс өңірі қазір де қақтығыс аймағы болып қала беретінін атап өтті. Осыған байланысты СІМ ұрыс қимылдары жалғасып жатқан және тұрақсыз жағдай сақталған елдерге баруды ұсынбайды.
Бұған дейін Қазақстанның Сыртқы істер министрлігі азаматтарға Таяу Шығыстағы бірқатар елдерге белсенді ұрыс қимылдары тоқтап, жағдай толық қалыпқа келгенге дейін барудан бас тартуға ресми түрде кеңес берген. 10 наурызда жарияланған тізімге мыналар кірген:
- Бахрейн
- Египет
- Израиль
- Иордания
- Ирак
- Иран
- Катар
- Кувейт
- Ливан
- БАӘ
- Оман
- Сауд Арабиясы
- Сирия
- Йемен
Кейін, 27 наурызда, СІМ Египетті баруға кеңес берілмейтін елдер тізімінен алып тастағанын хабарлады. Ведомство бұл шешімді ағымдағы жағдаймен және азаматтық инфрақұрылымның, оның ішінде халықаралық әуежайлар мен туристік аймақтардың жұмыс істеу шарттарымен түсіндірді.
