Бибисара Асаубаева 2026 жылғы үміткерлер турнирінде екінші орын алды
Қазақстандық шахматшы Бибисара Асаубаева Кипрдің Пейя қаласында өткен 2026 жылғы үміткерлер турнирінде екінші орын алды.
Турнирдегі жеңімпаздың тағдыры 14-турда, 15 сәуірде шешілді. Қорытынды партияда Асаубаева Үндістан өкілі Дивья Дешмукхпен тең ойнап, жалпы есепте сегіз ұпай жинады.
Үміткерлер турнирі-2026 жеңімпазы атанған тағы бір үндістандық шахматшы — Вайшали Рамешбабу. Соңғы турда ол ресейлік Екатерина Лагноны жеңіп, жарыстың жеңімпазы болды. Осы нәтижемен Рамешбабу әлем чемпионы атағы үшін қазіргі чемпион — қытайлық Цзюй Вэньцзюньге қарсы матч ойнау құқығына ие болды.
Цзюй Вэньцзюнь әлемнің қазіргі чемпионы атағын 2018 жылдан бері ұстап келеді. 2025 жылғы сәуірде ол титулын кезекті рет қорғап, матчта өз отандасы Тань Чжунъиді жеңді.
Бибисара Асаубаева — шахматтан блиц бойынша үш дүркін әлем чемпионы. Соңғы рет қазақстандық спортшы турнирді 2025 жылдың соңында жеңіп алған. Дәл осы жеңістің арқасында ол маусымның басты турниріне қатысушылар қатарына енді.
