15 жастағы қазақстандық футболшы Карим Мендиканов «Барселонамен» келісімшартқа қол қойды
Қазақстандық 15 жастағы футболшы Карим Мендиканов атақты испаниялық «Барселона» клубымен келісімшартқа қол қойды және командаға келесі маусымда қосылады.
Мендиканов «Барселона» тарихындағы алғашқы қазақстандық ойыншы болмақ. Қазір ол Каталонияда ойнауын жалғастырып, ауысуға біртіндеп дайындалып жүр. Испаниялық баспасөз жас талантты «қазақстандық бриллиант» деп атап үлгерген.
Каталония футболына жол Карим 2022 жылы Испанияға көшіп келді. Сол уақыттан бері ол каталондық жасөспірімдер футболы жүйесінде дамып келеді.
Өткен маусымды ол Cerdanyola құрамында өткізді, онда оның әлеуеті мен ойынындағы жарқын сәттері байқалғаны айтылған.
Ал биылғы маусымда Мендиканов келесі қадам жасап, Sant Cugat FC клубымен келісімшартқа отырды. Онда ол өз лигасындағы ең қауіпті оң қанаттағы вингерлердің бірі ретінде көзге түскені, дриблинг шебері және чемпионаттағы үздік ассистенттердің бірі ретінде аталғаны көрсетілген.
Сарапшылар нені атап өтті Карим оң қапталдағы шабуылшы позициясында ойнайды. Материалда оның ойын қасиеттері ретінде жылдамдығы, қарсыласын бірге-бірде алдап өтуі және мүмкіндік жасау қабілеті ерекше көрсетіледі.
Материалда сондай-ақ: «Испанияның жастар футболы халықаралық таланттар үшін магнит болып қала береді, және назар аудара бастаған есімдердің бірі — Карим Мендиканов... Барған сайын нәзік өңделіп жатқан нағыз алмас» деген пікір келтірілген.
«Барселонаны» таңдауы Жас ойыншыға Испания Примерасының бірнеше клубы қызығушылық танытқанымен, соңында ол «Барселонаның» ұсынысын таңдаған.
Келісімшарттың қол қойылғаны айтылып, Мендикановтың жаңа жүйеге тезірек бейімделу үшін командамен жаттығуларға қатысқаны да көрсетілген. Бұл жаттығулардың барлығы оның қазіргі клубы — Sant Cugat FC рұқсатымен өткен.
Алдағы жоспар Мендикановтың «Барселона» жүйесіне ресми қосылуы алдағы жазда жүзеге асса, ол клуб тарихындағы алғашқы қазақстандық ойыншы атанады.
Ауысуға дейін Карим ойын тәжірибесін жалғастырады. Жақын уақытта ол MIC (Mediterranean International Cup) халықаралық турнирінде — Еуропадағы ең беделді жасөспірімдер турнирлерінің бірінде — ойнауы мүмкін екені айтылған.
Сонымен бірге, жоғары қызығушылық пен жылдам прогреске қарамастан, Мендиканов әзірге Қазақстанның жасөспірімдер немесе ұлттық құрамаларына шақырылмағаны да атап өтіледі. Сарапшылардың пікірінше, «Барселонаға» ауысу ойыншыға қосымша назар аудартуы мүмкін.
Оқуға ұсынылады: Дастан Сатпаев әлемдік футболдың үздік таланттары рейтингіне енді
