«Әділ сөз» қоры журналист Ботагөз Омароваға қатысты жағдайға алаңдаушылық білдірді
Мәлімдеме Сөз бостандығын қорғау жөніндегі халықаралық «Әділ сөз» қоры журналист Ботагөз Омароваға қатысты жағдайға байланысты алаңдаушылық білдірді.
Қордың мәлімдеуінше, алдыңғы кеште журналист қылмыстық іс аясында полицияға қорғануға құқығы бар куә мәртебесінде шақырылған. Іс Қазақстан Республикасы Қылмыстық кодексінің 274-бабы бойынша («көрінеу жалған ақпарат тарату») қозғалған.
Сол түні, шамамен 01:30-да, оған қатысты екі ай мерзімге үйқамақ түріндегі бұлтартпау шарасы таңдалған.
Телеграм-арнадағы жарияланым және заң нормасы Мәлімдемеде журналист өзінің “Айтпа, Ботагоз!” телеграм-арнасында жалақысы төленбеген жұмысшылардың сөздерін келтіргені айтылды.
Қор ҚР “Масс-медиа” туралы заңының 68-бабын келтіріп, онда бұқаралық ақпарат құралы, оның бас редакторы (редакторы) және журналист мына жағдайларда шындыққа сәйкес келмейтін мәліметтерді таратқаны үшін жауапкершілікке тартылмайтыны көрсетілгенін атап өтті:
“Средство массовой информации, а равно его главный редактор (редактор), журналист не несут ответственности за распространение сведений, не соответствующих действительности, если они: (...) являются дословным воспроизведением официальных выступлений депутатов представительных органов, должностных или уполномоченных лиц государственных органов, органов местного самоуправления, физических и юридических лиц, за исключением распространения информации, запрещенной или иным образом ограниченной к распространению вступившими в законную силу судебными актами или законами Республики Казахстан”.
Қордың талаптары және 274-бап бойынша шарттар Осыған байланысты «Әділ сөз» қоры құзырлы органдарды істің барлық мән-жайын жан-жақты, объективті және мұқият тергеуді қамтамасыз етуге, сондай-ақ процессуалдық нормалар мен Ботагөз Омарованың құқықтарының қатаң сақталуына кепілдік беруге шақырды.
Қордың назар аударуынша, ҚР ҚК 274-бабы бойынша қылмыстық іс қозғау үшін үш белгі міндетті түрде болуы қажет:
- таратылған ақпарат жалған болуы;
- таратқан адам ақпараттың жалған екенін нақты білуі және оны қасақана таратуы (көрінеулік белгісі);
- жалған ақпарат тарату нәтижесінде елеулі зиян келтірілуі.
Қордың пікірінше, өзге жағдайлар әкімшілік немесе азаматтық кодекстер аясында қаралуы тиіс.
Мәлімдемеде заңдылық, ашықтық және әділдік қағидаттарын сақтау Қазақстан Республикасында сөз бостандығын қорғау үшін шешуші маңызға ие екені атап өтілді.
Қор бұл істі әрі қарай да мұқият бақылауда ұстайтынын мәлімдеді.
