СҚО-да суасты дронымен оқу-жаттығу өтті: су айдындарын тексеру және іздестіру әрекеттері пысықталды
Су тасқыны мен шомылу маусымына дайындық аясында СҚО-да сүңгуірлер мен суасты дроны операторларының оқу-жаттығуы өткізілді. Негізгі назар су айдындарын тексеруге және су астында зардап шеккендерді іздеу кезіндегі әрекеттерді пысықтауға аударылды.
01 / 03
Жаттығу барысында мамандар сүңгу жұмыстарын, командалық өзара іс-қимылды және заманауи суасты жабдықтарын пайдалануды пысықтады. Суасты дронын қолдану ерекше маңызға ие болды: ол қолжетімділігі қиын учаскелерді жедел тексеруге және іздестіру жұмыстарын тиімді жүргізуге мүмкіндік береді.
Мұндай оқу-жаттығулар құтқарушылардың кәсіби дағдыларын, төзімділігін және нақты жағдайларда жұмыс істеуге дайындық деңгейін арттыруға бағытталған. Бұл төтенше жағдайларға жедел әрекет етуге және халықтың қауіпсіздігін қамтамасыз етуге мүмкіндік береді.
