Перизат Қайрат түзету мекемесінде еден жуушы болып жұмыс істеп жүр
Перизат Қайрат түзету мекемесінде еден жуушы болып жұмыс істеп жүр. Ведомствоның мәліметінше, бұрын қайырымдылық қорының басшысы болған ол қызметтік үй-жайларды тазалаумен айналысады.
Сондай-ақ ведомство сотталғандардың 48 мамандықтың бірін меңгере алатынын атап өтті. Колонияда, атап айтқанда, аспаз, киім модельері немесе ара өсіруші мамандығын алуға болады.
Еске салайық, Перизат Қайрат 2024 жылғы қарашада Biz Birgemiz Qazaqstan қорының 1,5 млрд теңгеден астам қаражатын жымқыру ісі бойынша қамауға алынған. Бұл қаражат су тасқынынан зардап шеккендерге көмек көрсетуге арналған. Тергеу нұсқасына сәйкес, ақша элиталық жылжымайтын мүлікке, автокөліктерге және шетелге сапарларға жұмсалған.
Бұған дейін оның тәркіленген 2024 жылғы Mercedes-Benz S450 автокөлігі (құны шамамен 79,4 млн теңге) мемлекеттік органдарға беріліп, нөлдік құнмен балансқа қойылғаны хабарланған.
t.me/kriminal_kazakhstan
