Ақмола облысы Софиевка ауылында гараждағы өртте 6 баллон шығарылып, жарылыстың алдын алды
🔥 Өрт сөндірушілер 6 баллонды шығарып, жарылыстың алдын алды
Бүгін таңертең Ақмола облысы Софиевка ауылында Бөгенбай батыр көшесінде жеке тұрғын үйге жапсарлас салынған гаражда өрт шықты. Өрттің ауданы 150 шаршы метрді құрады.
Оқиға орнына жедел келген өрт сөндіру жасақтары дереу сөндіруге кірісті. Жұмыс барысында қауіпті аймақтан 5 газ және 1 көмірқышқыл баллоны шығарылды, бұл жарылыстың алдын алуға мүмкіндік берді.
🧑🚒 Сондай-ақ құтқарушылар гараждан жеңіл автокөлік пен квадроциклді уақытылы шығарып, олардың өрттен жойылуына жол бермеді.
✅ Өрт сөндірушілердің үйлесімді және кәсіби әрекеттерінің арқасында өрт толығымен сөндірілді. Зардап шеккендер жоқ.
0
Войдите, чтобы оставить комментарий
Загрузка комментариев...