Александр Шевченко Miami Open турнирінің үшінші айналымында Уго Умберге жол берді
Қазақстандық теннисші Александр Шевченко (№84) АҚШ-тың Флорида штатындағы Майами қаласында өтіп жатқан ATP Masters 1000 турнирінің үшінші айналымынан аса алмады. Ол француз Уго Умберге (№34) есе жіберді.
Кездесу 6:4, 7:6(2) есебімен аяқталды. Матч 1 сағат 21 минутқа созылды.
Шевченко бұған дейін турнирде әлемдік рейтингтің тоғызыншы нөмірі америкалық Бен Шелтонды сенсациялық түрде тоқтатты — 6:7(3), 7:6(3), 6:3. Ал бірінші айналымда ол әлемнің 101-ракеткасы италиялық Маттео Арнальдиді жеңді — 7:6 (7:5), 6:7 (5:7), 6:2.
Шевченко Майамидегі жекелей сында Қазақстан атынан қалған соңғы қатысушы болғаны да атап өтілді.
25 жастағы Александр Шевченко Қазақстан атынан 2024 жылдан бері өнер көрсетеді. Сол жылы ол әлемдік рейтингтегі рекордтық көрсеткішіне жетіп, топ-45 қатарына енді. Ал алдыңғы Үлкен дулыға турнирі — Australian Open жарысында жеке рекордын жаңартып, алғаш рет екінші айналымға шықты.
Miami Open турнирі 17–28 наурыз аралығында өтеді. Жарыстың жалпы жүлде қоры 18,8 миллион доллар (шамамен 9,08 миллиард теңге), ал жекелей сындағы жеңімпаздар 1 миллион 380 мың доллар ( 555 миллион теңгеден астам ) алады.
Сондай-ақ әлемнің екінші ракеткасы Елена Рыбакина Miami Open турнирінің 1/16 финалында Украина өкілі Марта Костюкты жеңді. Қазақстанның үздік теннисшісі әлемнің 28-ракеткасын екі сетте ұтты — 6:3, 6:4.
Ал Қазақстанның үздік теннисшісі Александр Бублик Майамидегі "Мастерс" санатындағы турнирдің екінші айналымынан әрі өте алмай, өнер көрсетуін аяқтады.
