Таразда киім дүкеніндегі жеңілдік кезіндегі кептеліс әлеуметтік желіде талқыланып жатыр
Әлеуметтік желілерде Тараз қаласында киім дүкеніндегі жеңілдік акциясы кезінде болған кептеліс қызу талқыланып жатыр.
Желіде сауда-ойын-сауық орталықтарының бірінде түсірілген видео жарияланды. Кадрлардан ерлер киім дүкенінің кіреберісінде адамдардың көп жиналғаны және дүкен ішіндегі ажиотаж байқалады. Видеоға қарағанда, бутик маңындағы топ жеңілдіктерге арналған акция кезінде қалыптасқан.
Пайдаланушылар қауіпті сәтке де назар аударды: топ ішінде бір қызды есік қысып қала жаздаған.
Видео желіде белсенді реакция туғызып, қолданушылар акцияны ұйымдастырушыларды сынға алды.
Жамбыл облысы полиция департаментінің баспасөз қызметі аталған дерек бойынша тексеріс жүргізілгенін хабарлады. Полиция мәліметінше, қоғамдық тәртіп бұзушылық, денсаулыққа зиян келтіру фактілері және өзге де құқыққа қайшы әрекеттер анықталмаған.
Полиция департаментінің баспасөз қызметі: «Сауда орталығының әкімшілігіне және дүкен иесіне қауіпсіздік талаптарын қатаң сақтау және келушілер ағынын бақылауды ұйымдастыру қажеттігі көрсетілді. Акциялық іс-шаралар кезінде құқықтық тәртіпті қамтамасыз ету және азаматтардың жаппай жиналуына жол бермеу бақылауға алынды», — деп мәлімдеді.
Полицияның айтуынша, бұл бағыттағы жұмыс жалғасады.
