Төрехан Сабырхан Азия чемпионатындағы алғашқы жекпе-жегінде жеңіске жетіп, кемінде қола жүлдені қамтамасыз етті
Қазақстандық боксшы Төрехан Сабырхан Улан-Баторда (Моңғолия) өтіп жатқан бокстан Азия чемпионатындағы алғашқы жекпе-жегінде жеңіске жетті.
70 келіге дейінгі салмақ дәрежесінде өнер көрсететін Қазақстанның әлем чемпионының қарсыласы тәжікстандық боксшы Шамшер Саидов болды.
Жекпе-жек 4:1 есебімен қазақстандық спортшының пайдасына аяқталды. Сонымен қатар, Төрехан үш раундтың үшеуінде де басым түсті. Осылайша, ол турнирдің жартылай финалына өтіп, өзіне кемінде қола жүлдені қамтамасыз етті.
Еске сала кетейік, Төрехан Сабырхан 19 жасында Ливерпульде өткен турнирде, 2025 жылғы қыркүйекте, бокстан әлем чемпионы атанған.
Қазақстан құрамасына қатысты айтқанда, бұл — Моңғолиядағы турнирдегі команданың үшінші жеңісі. Бұған дейін 1/4 финалға Оразбек Асылқұлов (60 келіге дейін) және Ертуған Зейнуллинов (65 келіге дейін) өткен болатын.
Бокстан Азия чемпионаты 10 сәуірге дейін жалғасады. Қазақстанның ерлер құрамасы турнирде әзірге бірде-бір жеңіліске ұшыраған жоқ.
