Алматыдағы ІІМ академиясында қауіпсіздікке қатысты заманауи сын-қатерлер мен жаңа тәсілдер талқыланды
🔹 Алматыдағы ІІМ академиясында қауіпсіздікке қатысты заманауи сын-қатерлер мен жаңа тәсілдер талқыланды
Мақан Есболатов атындағы Алматы ІІМ академиясында 2026 жылдың бірінші тоқсанының қорытындысы бойынша жедел кеңес өтіп, жақын кезеңге арналған міндеттер белгіленді.
Іс-шараға ішкі істер министрінің бірінші орынбасары Бауыржан Аленов қатысып, жұмыстың негізгі бағыттарын атап өтті және бөлімшелер алдына нақты тапсырмалар қойды. Кеңеске сондай-ақ орталық аппарат пен өңірлік полиция департаменттерінің өкілдері қатысты.
Кеңесте басты назар қылмыс құрылымындағы өзгерістерге аударылды. Цифрлық саладағы құқықбұзушылықтардың, соның ішінде киберқылмыстардың алдын алу бойынша белсенді жұмыс жүргізіліп жатқаны айтылды. Осыған байланысты заманауи технологияларды енгізу және жедел жұмысты күшейту мәселелері ерекше атап өтілді.
Кеңес алаңы академия курсанттары үшін де пайдалы болды. Оларға жедел-іздестіру қызметі туралы заңның жаңартылған жобасы таныстырылып, оның негізгі ережелері түсіндірілді.
Сонымен қатар “Kazdream IT Holding” компаниясы сарапшыларының қатысуымен практикалық семинар өтті. Мамандар заманауи IT-шешімдердің құқық қорғау органдарының жұмысында қалай қолданылатынын көрсетті.
Кеңес қорытындысы бойынша полиция жұмысының тиімділігін арттыруға және қауіпсіздікті күшейтуге бағытталған нақты міндеттер айқындалды.
#ЗАКОНИПОРЯДОК
📱 POLISIA.KZ
